იურიდიული ფაკულტეტი 2023-2024 სასწავლო წლის შემოდგომის სემესტრში აცხადებს გარე მობილობას:

• სამართლის საბაკალავრო პროგრამა - 100 ვაკანტური ადგილი;
• საერთაშორისო სამართლის საბაკალავრო პროგრამა - 10 ვაკანტური ადგილი (დაშვების წინაპირობა - ერთიან ეროვნულ გამოცდებზე ჩაბარებული უნდა ჰქონდეს ინგლისური ენა ან წარმოადგინოს საერთაშორისოდ აღიარებული სერთიფიკატი ინგლისურ ენაში.);
• საერთაშორისო სამართლის სამაგისტრო პროგრამა - 10 ვაკანტური ადგილი (დაშვების წინაპირობა - სამართლის/საერთაშორისო სამართლის ბაკალავრის ან მასთან გათანაბრებული აკადემიური ხარისხი);
• სამაგისტრო პროგრამა მიგრაციის მართვა - 10 ვაკანტური ადგილი (დაშვების წინაპირობა პროგრამა განკუთვნილია შემდეგი მიმართულების კურსდამთავრებულებისთვის: სოციალური და პოლიტიკური მეცნიერებები; სამართალი; ეკონომიკა და ბიზნესი; ჰუმანიტარული მეცნიერებები.
• ევროპული კვლევების ინსტიტუტის ევროპისმცოდნეობის სამაგისტრო პროგრამა - 3 ვაკანტური ადგილი;

სტუდენტები, რომლებიც სსიპ – განათლების მართვის საინფორმაციო სისტემის ელექტრონული პორტალის საშუალებით მოიპოვებენ სსიპ – ივანე ჯავახიშვილის სახელობის თბილისის სახელმწიფო უნივერსიტეტში გადმოსვლის უფლება, მომართავენ უნივერსიტეტს რექტორის ბრძანებით დადგენილ ვადებში (ბრძ: №175/01-01, 31.07.2023)

თსუ–ის რექტორის 31.07.2023 წლის N175/01-01 ბრძანების თანახმად განისაზღვრა 2023-20234 სასწავლო წლის შემოდგომის სემესტრის მობილობის ვადები:

1) განისაზღვროს 2023-2024 სასწავლო წლის შემოდგომის სემესტრის მობილობის ვადები:

1. პროცედურული ვადები:

• დოკუმენტაციის მიღება: 11 - 13 სექტემბერი;
• უნივერსიტეტში გადმოსვლის მსურველ სტუდენტთა კრედიტების აღიარება: 14 - 15 სექტემბერი;
• სტუდენტთათვის აღიარებული კრედიტების გაცნობა და წერილობითი განცხადებით დადასტურება (თანხმობა/უარი): 18 სექტემბერი;

2) განისაზღვროს წარმოსადგენი დოკუმენტების ნუსხა (უმაღლესი საგანმანათლებლო დაწესებულების მიერ სათანადო წესით დამოწმებული):

1. განცხადება;
2. სრული ზოგადი განათლების დამადასტურებელი დოკუმენტის/ბაკალავრის ან მასთან გათანაბრებული აკადემიური ხარისხის/მაგისტრის ან მასთან გათანაბრებული აკადემიური ხარისხის დამადასტურებელი დიპლომისა და დანართის ნოტარიულად დამოწმებული ასლი;
3. პირადობის მოწმობის ასლი;
4.  წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
5. სტუდენტის სტატუსის განმსაზღვრელი ყველა სამართლებრივი აქტის ასლი;
6. სტუდენტის სასწავლო ბარათი;
7. უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში);
8. უცხო ენის ცოდნის დამადასტურებელი საერთაშორისო სერტიფიკატის  დამოწმებული ასლი (ასეთის არსებობის შემთხვევაში);
9. უცხო ენის ცოდნის დამადასტურებელი საერთაშორისო სერთიფიკატის/შეფასებისა და გამოცდების ეროვნული ცენტრის პროექტის-„CERTUS”-ის ფარგლებში გაცემული სერტიფიკატის ნოტარიულად დამოწმებული ასლი (ასეთის არსებობის შემთხვევაში).

იხილეთ: https://www.tsu.ge/ka/legal/47740

დამოწმებული დოკუმენტაციის მიღება წარმოებს შემდეგ მისამართზე: თბილისი, ი. ჭავჭავაძის გამზ. №3, თსუ II კორპუსი, ოთახი №111 (იურიდიული ფაკულტეტის კანცელარია)

გისურვებთ წარმატებებს!